Casa d'Abo Anica

La Casa d'Abó Anica queda ne l centro de la aldé de Malhadas, a 5 km de la cidade de Miranda de l Douro, çtrito de Bragancia. Esta casa pertanciu a buona giente, que tabalhaba na laboura. Antigamente, eran três casas: dues deilhas para bibir i la terceira serbie de loija de ls animals. La casa de l meio tenie ua jinela única n'aldé datada de 1833, mantenida inda hoije na fachada de la casa.

La Casa d'Abó Anica ancuntra-se acerca de bários puntos d'anterés de l'aldé, cumo la Capielha de San Bertelameu cun ourige ne l século XVI, l cruzeiro mediebal de la Beiga i la Junta de la Freguesie. La Eigreija Matriç de Nuossa Senhora de la de Spetaçon, cunsiderada monumento de anterés público, queda a 300 m.

Foto da Sala

Malhadas

Malhadas, ne l cunceilho de Miranda de l Douro, fui un pobo mediebal i, an tempos, ua bila protegida pu ls nobres. La aldé ten proua an mantener las tradiçones bibas, cumo la dança de ls pauliteiros, grupo de danças mistas i ls quelóquios, pieças teatrales tradicionales de la region.

An Malhadas puode-se besitar la Eigreija Matriç de Nuossa Senhora de la Spetaçon, l cruzeiro mediebal. Ne l pobo yê quemun ber passar las raças autóctones de la region: la raça bobina mirandesa, l burro mirandês, las canhonas de raça churra galega mirandesa i l perro de ganado stransmuntano. Hai pouco tiempo fui feito un centro de balorizaçon i melhoramento de las raças obina churra galega i bobina mirandesa (CVMRA) an Malhadas.

Eigreija Matriç

Capielha de San Bertelameu

Cruzeiro Mediebal

Centro de valorizaçon de las raças autóctones de la region: la baca mirandesa i la canhonas churra galega

Quelóquio, ua pieça de triato an lhéngua mirandesa

Grupo de ls pauliteiros i pauliteiras de Malhadas

Miranda de l Douro

Miranda de l Douro, ne l nordeste stransmuntano, yê ua cidade chena de stória i cultura. La cidade ten ua eidentidade única, adonde se fala l Mirandês, la segunda lhéngua de Pertual, i adonde se manten la tradiçon de la dança de ls pauliteiros, ua dança guerreira ancestral.

Na cidade destacan-se las ruínas de l castielho mediebal, la amblemática rue de la Costanielha, l Museu de la Tierra de Miranda, la amponente Sé Catedral i l cunjunto d'eidificios a la buolta, an outros tiempos eideficios d'un cumbento de Frades Trinos. Un de ls símblos religiosos mais peculiares de la cidade yê l Nino Jasus de la Cartolica, ua eimage benerada na Sé, represantada por un garotico cun ua cartola, ua bola na mano i ua spada.

Na gastronomie, la region yê coincida pula famosa puosta mirandesa, ua talhada de carne de baca de raça mirandesa assada na brasa, que chama besitantes que buscan sabores outénticos.

Na paisage inda se destacan las arribas de l riu Douro que fazen parte de l Parque Natural de l Douro Anternational. L riu separa Pertual de Espanha i nas fragas de l lhado espanhol puode-se eidentificar ua marca natural, l 'dous de la natureza'.